// October 19th, 2009 // No Comments » // :: iPhone ::
iPhone 最大的賣點是其 touch screen 以及這個觸控所帶來的 navigation。
可惜偏偏對一部電話來講，傳統打電話的手勢在 iPhone 未必行得通，而令人用上手有些不便。
這兩個畫面絕對不會陌生了，一係就打對方電話號碼，一係就從 contact list內找對方的姓名， end up 手指掃來掃去或掃過龍的情況實在習以為常。
既然係講緊 iPhone，User friendliness 當然好鬼重要，能 click 少一下或掃少一下都打到電話，那就最好了…
今次試用的 app 叫 Faces，分免費試用版及收費版，個人覺得試用版已夠用，所以只講 Lite 就算，如試落鍾意先買 Full version都唔充遲。
係時候出賣部 iPhone 及朋友個樣啦，這個 app 俾你設定常用聯絡人，打電話的時候，只需要 Click 一下開 app，再 click 一下就打電話 / 發出 SMS。
全程兩 Click 搞掂，而且一眼見到親朋戚友個樣，唔駛教都知點用。
如果 8/2 定律錯不到那裡的話，最常打出的電話大概不會超出廿幾個，免費版支援的是 2 頁 x 12 位常用聯絡人，
相信 24 個常用聯絡人已經滿足到大部份人；假使你真係咁狼，經常要 call 的人多於 24 位，則可俾美金 $1.99買 Full version，支持 144 位聯絡人。
Faces 的聯絡人資料及相片，完全直接 link 自 iPhone 本身的 Contact list，毋須另行管理及輸入多 Set 電話簿，設定一個聯絡人只需10秒左右，從此就可以 1 Click 搵到朋友。
最細心係可以讓你為每個聯絡人預設 1 click 是打電話還是寫SMS，因為有些潛水的(*註)朋友真是喜歡 SMS 多於直接傾電話的；
而Hold 實聯絡人則可轉換功能或修改資料，以便你一時一樣。
每個朋友的位置可以隨時調動，而且可以為每個人改 Nickname。
其實個 App 仲支援好多功能，例如改 theme 或 style，
不過個人覺得 iPhone 應行簡約為主，任何太多 theme 的更改只會畫蛇添足，將你部 iPhone 帶入旺角。
免得大家太旺角，因此只介紹基本功能，見諒見諒。
p.s. 如閣下有鬼祟而人家知不得的常用 contact，請自行用腦利用以上提及的功能，以收又可以方便搵人，又唔俾人一眼發覺之效。
*. 潛水的朋友不是指真的出海去玩潛水的朋友
=================================
App name: Faces
免費版：支援 2 頁 x 12 位聯絡人
收費版：支援 12 頁 x 12 位聯絡人 US $1.99
任何地區 App Store 可下載
